मराठी उखाणे - ६

संसाराच्या देव्हा-यात उजळ्तो नंदादीप समाधानाचा

----- रावांचे नाव घेऊन, मागते आशिर्वाद अखंड सौभाग्याचा

                                                        रुप्याच्या वाटीत सोन्याचा चमचा

                                                       ----- रावांचे नाव घेते मिळो आशिर्वाद तूमचा

आईवडिलांच्या आशिर्वादाने आला भाग्याचा दिवस

-----राव पति मिळावे म्हणुन कुलदेवतेला केला नवस

                                                       ----- रावांच्या बरोबर मन गेले गांगरुन

                                                       आईबाबांच्या आशिर्वादाची शाल घेते पांघरुन

आई, बाबा येते आशीर्वाद दयावा

----- रावांचा सहवास जन्मभर लाभावा

                                                       ञानेश्वरांच्या प्रतिभेने डोळे दिपले जगाचे,

                                                       ----- सहसंसारात सुखी होण्यासाठी मागणे आहे तुमच्या आशीर्वादाचे.

मनोकामना झाल्या सफल, आकांक्षांची होईल पूर्ती,

----- रावांना मिळो तुमच्या आशीर्वादाने कीर्ती

                                                       नांदा सौख्यभरे दिला सर्वांनी आशीर्वाद ,

                                                       ----- चे नाव घेते द्या सत्यनारायणाचा प्रसाद

अमूल्य आहेत तुम्हा सर्वांचे आशीर्वाद न सदिच्छा ,

असेच सदैव मी व ----- च्या पाठीशी राहा हि मनीषा

                                                       पतिव्रतेचा धर्म नम्रतेने वागते

                                                       ----- रावाचं नाव घेऊन आशीर्वाद मागते

गजाननाची क्रुपा, गुरुंचा आशीर्वाद

----- रावांचे नाव घ्यायला आज करते सुरुवात

मराठी उखाणे - ५

सत्यवानाच्या सेवेत, सावित्री झाली मग्न  
…… रावांच्या सोबत झाले, आताच माझे लग्न .

                   काय जादू केली, जिंकल मला एका क्षणात,                   
                    प्रथम दर्शनीच भरली, ..... माझ्या मनात
 
रुक्मिणीने पण केला, कृष्णालाच वरीन,
..... रावांच्या साथीन, आदर्श संसार करीन.                    
                     
                     पती पत्नी असतात सुख दुःखाचे साथी,                   
                    ..... रावांचे नाव घेते, आशीर्वाद असू द्यावा माथी.

मोह नाही, माया नाही, नाही मत्सर हेवा
..... चे नाव घेते, नीट लक्ष ठेवा.                     
                     
                    आंबे वनात कोकिळा गाते गोड                                
                     …… आहे माझ्या तळहाताचा फोड

पूर्णा नदीच्या काठावर, कृष्ण वाजवितो बासरी ,
..... रावांच्या सोबत, आले मी सासरी                     
                   
                     लग्नासारख्या गोड दिनी, आज्ञा मोडून कशी बसू,                   
                    ...... रावांना घास देतांना, मला येई गोड हसू.
 
दही चक्का तूप,
..... मला आवडते खूप .   
                   
                    सोन्याची सुंपली, मोत्यांनी गुंतली,                   
                    ..... माझी राणी, घरकामांत गुंतली   

मराठी उखाणे - ४

आशेच्या रंगमंचावर स्वप्नांचे पडसाद,
.........चे नाव घेते तुम्हा सर्वांचा आशीर्वाद

                     नाव घ्या नाव घ्या आग्रह असतो सर्वांचा,                                               
                      ..........रावांचे नाव असते ओठावर, पण प्रश्न असतो उखाण्यांचा

कळी हसली ,फुल उमलले,मोहरून आला सुगंध,
..........च्या सोबतीत मला गवसला जीवनाचा आनंद

                     एका वर्षात महिने असतात बारा,                                               
                      ......... च्या नावात सामावलाय आनंद सारा

आईने केले संस्कार, वडिलांनी केले सक्षम,
सासू सासर्‍यांच्या छायेत, …… च्या मायेत, संसाराचा पाया  करीन भक्कम

                     नांदा सौख्यभरे दिला सर्वांनी आशीर्वाद,                                               
                      ...........चे नाव घेते द्या सत्यनारायणाचा प्रसाद

अमूल्य आहेत तुम्हा सर्वांचे आशीर्वाद न सदिच्छा ,
असेच सदैव माझ्या आणि ...........च्या पाठीशी राहा हि मनीषा
                       
                     आकाशात उडतोय पक्ष्यांचा थवा,                                              
                      ...........चे नाव घ्यायला उखाणा कशाला हवा

बालपण गेले आई-वडिलांच्या पंखाखाली, तारुण्यात मिळाली मैत्रीची साथ,
संसाराच्या वळणावर मिळाला, ……. रावांचा प्रेमळ हात   
                      
                     दोन जीवांचे मिलन जणू शत-जन्माच्या गाठी,                                               
                      .........चे नाव घेते तुमच्या आग्रहासाठी

मराठी उखाणे - ३

आजच्या जगात संसार करावा शक्तीपेक्षा युक्तीने
……. चे नाव घेते प्रेमापेक्षा भक्तीने

                         जाईजुईच्या फुलांमध्ये निशिगंध झाला मोहित                                                        
                         ……. रावांना आयुष्य मागते सासुसासर्‍यांसहित

चहा केला नेऊन दिला, चिवडा केला ताजा
…… च्या घरात आहे पहिला नंबर माझा
                         
                          पाच पांडव सहावी द्रौपदी सती                                                        
                         ……. मिळाले पती, देवाचे आभार मानू किती

आपट्यांची कादंबरी, अत्र्यांचा काव्यालंकार
……. रावांचे प्रेम हाच माझा अलंकार

                         कोल्हापुरी शालूला जरीचा काठ                                                       
                          ……. रावांचे नाव घेते, सोडा माझी वाट

लेखकाचे साहित्य, कवीची कविता
……. सागर आणि मी त्याची सरिता

                         एका डोळ्यात हसू, एका डोळ्यात आसू                                                        
                         ……. मुळे मिळाली मला प्रेमळ सासू

उभी हिंद माता, लाल चढविला साज
……. रावांसोबत शुभमंगल, झाले आहे आज

                         वसंत ऋतूचे स्वागत करतो आनंदाने चैत्र                                                       
                          ……. रावांचे नाव घेऊन बांधले मंगळसूत्र       

मराठी उखाणे - २

सोन्याचे मंगळसूत्र, सोनाराने घडविले
........ चे नाव घेण्यासाठी ........ ने अडविले

                                पाऊस पडतो रिमझिम रात्र होते गहरी
                                ........ च्या जीवनात खुलवीन आनंद सुखाच्या लहरी

मेनकेच्या पोटी जन्मली शकुंतला
........ रावांना आईवडिलांनी अर्पण केली मला

                                पुढे जाते वासरू, मागे चालते गाय
                                ........  ला आवडते दुधावरची साय

चहा नको ,कॉफी नको, नवीन निघाला कोको
........ शिवाय मला दुसरे काही नको

                                जाळीच्या नगरात होतो, श्रीकृष्णाचा गजर
                                ........ चे नाव घ्यायला मी आहे हजर

नाशिकचे द्राक्षे, नागपूरचे संत्री
........ राव आहेत माझे गृहमंत्री

                                 गुलाबाचे फुल, आवडते मला लाल
                                 ........ चे नाव घेते, सुरु झाले ........ साल

चहा केला नेऊन दिला, आता करते कोको
........ चे नाव घ्यायला इतका आग्रह नको

                                फुलाची पाकळी न पाकळी असते देवासाठी
                                माझ्या जीवनातील प्रत्येक क्षण न क्षण ........ च्या सुखासाठी 

मराठी उखाणे - १

अवसराच्या साहित्यात, उदबत्तीचा पुडा,
 …… च्या जिवावर भरला, हातभर चुडा

                     हरिशचंद्र राजा, तारामती राणी, रोहिदास पुत्र
                     ........ च्या जिवासाठी मी गळ्यात घातले मंगळसूत्र

गुलाबाचे पाणी, गटारीने वाहिले,
……. साठी, …… गाव पाहिले
                      
                      जन्म दिला मातेने , पालन पोषण केले पित्याने                                                               
                      ........ चे नाव घेते पत्नी या नात्याने

देवापुढे लावला ऊद, वास सुटला छान ,
........ चे नाव घेते, ऐका देऊन कान

                     संसाररूपी सागरात पती पत्नीची नौका                                                                 
                     ........ चे नाव घेते सर्वजण ऐका

काचेच्या आरशाला, चौकोनी फ्रेम
........ वरती माझे, फारच प्रेम

                     खाष्ट नणंद , दृष्ट दीर                                                                                      
                     ........ मुळे मला फारच धीर

नीलवर्णी आकाशात पक्षी उडतात नक्षीदार
........ चे नाव घेते सर्व दीर साक्षीदार

                     दोन जीवांचे मिलन रेशमाच्या गाठी                                                                
                      ........ चे नाव घेते तुमच्या आग्रहासाठी